Verbum

ДВО́РЫШЧА,

вёска ў Лідскім р-не Гродзенскай вобл., на р. Жыжма, каля аўтадарогі Ліда—Ашмяны. Цэнтр сельсавета і эксперым. базы «Ніва». За 15 км на ПнУ ад горада і чыг. ст. Ліда, 125 км ад Гродна. 546 ж., 170 двароў (1997). Сярэдняя школа, Дом культуры, б-ка, аддз. сувязі.

т. 6, с. 80

ДРАЗДЫ́,

вёска ў Бешанковіцкім р-не Віцебскай вобл., на левым беразе р. Зах. Дзвіна. Цэнтр сельсавета і калгаса. За 4 км на ПнУ ад Бешанковіч, 55 км ад Віцебска, 36 км ад чыг. ст. Чашнікі. 309 ж., 124 двары (1997). Пачатковая школа, Дом культуры, б-ка, аддз. сувязі.

т. 6, с. 195

ДУБРО́ЎНЯ,

вёска ў Лідскім р-не Гродзенскай вобл., на р. Нарва каля аўтадарогі Ліда — в. Ліпнішкі. Цэнтр сельсавета і калгаса. За 5 км на У ад Ліды, 115 км ад Гродна, 2 км ад чыг. ст. Гутна. 397 ж., 134 двары (1997). Дом культуры, б-ка, аддз. сувязі.

т. 6, с. 248

ЖАРАБКО́ВІЧЫ,

вёска ў Ляхавіцкім р-не Брэсцкай вобл., на аўтадарозе Ляхавічы—Клецк. Чыг. ст. на лініі Баранавічы—Слуцк. Цэнтр сельсавета і калгаса. За 12 км на У ад Ляхавіч, 232 км ад Брэста, 639 ж., 250 двароў (1997).

Сярэдняя школа, Палац культуры, б-ка, аддз. сувязі. Магіла ахвяр фашызму.

т. 6, с. 424

ЖУ́КНЕВА,

вёска ў Талачынскім р-не Віцебскай вобл. Цэнтр сельсавета і калгаса. За 33 км на У ад г. Талачын. 112 км ад Віцебска, 15 км ад чыг. ст. Коханава. 260 ж., 106 двароў (1997). Базавая школа, клуб, б-ка, аддз. сувязі. Брацкая магіла сав. воінаў і партызан.

т. 6, с. 446

ЗА́РЫЯ (Zaria),

горад у паўн. ч. Нігерыі, у штаце Кадуна. Засн. каля 1536. Каля 350 тыс. ж. (1995). Вузел чыгунак і аўтадарог. Аэрапорт. Цэнтр гандлю бавоўнай, тытунём, арахісам. Прам-сць: бавоўнаачышчальная, тэкст., алейная, тытунёвая, хім., мэблевая, паліграф., маш.-будаўнічая. Традыц. рамёствы: ткацтва, фарбаванне тканін, дубленне скур. Ун-т.

т. 6, с. 541

ЗАРЭ́ЧЧА вёска ў Лагойскім р-не Мінскай вобл. Цэнтр сельсавета. За 44 км на ПнУ ад г.п. Лагойск, 84 км ад Мінска, 56 км ад чыг. ст. Радашковічы. 339 ж., 105 двароў (1997). Базавая школа, Дом культуры, б-ка, аддз. сувязі. Магілы партызан, якія загінулі ў Вял. Айч. вайну.

т. 6, с. 542

ІАКО́СУКА,

горад у Японіі, на ПдУ в-ва Хонсю. 436 тыс. ж. (1992). Буйны порт і гал. ваенна-марская база Японіі, на п-ве Міура. Суднабудаванне і суднарамонт. Ваен. з-ды. Тэкст. і швейная прам-сць. Падземныя нафтасховішчы. ЦЭС. Авіяц. н.-д. цэнтр. Марскія навуч. ўстановы. Марскі музей.

т. 7, с. 138

КАЗЛО́ЎКА,

вёска ў Светлагорскім р-не Гомельскай вобл., каля р. Бярэзіна, на аўтадарозе Парычы—Калінкавічы. Цэнтр сельсавета і саўгаса. За 33 км на ПнЗ ад г. Светлагорск, 143 км ад Гомеля, 30 км ад чыг. ст. Светлагорск-на-Бярэзіне. 831 ж., 337 двароў (1997). Б-ка, аддз. сувязі.

т. 7, с. 431

КАЗУ́ЛІЧЫ,

вёска ў Кіраўскім р-не Магілёўскай вобл., на аўтадарозе Кіраўск—в. Любонічы. Цэнтр сельсавета. За 11 км на З ад г.п. Кіраўск, 98 км ад Магілёва, 22 км ад чыг. ст. Бярэзіна. 396 ж., 240 двароў (1997). Базавая школа, клуб, б-ка, аддз. сувязі. Магіла ахвяр фашызму.

т. 7, с. 435