Verbum

параты́ф, -у, м.

Інфекцыйная кішэчная хвароба, роднасная з брушным тыфам.

|| прым. паратыфо́зны, -ая, -ае.

парафі́н, -у, м.

Воскападобнае рэчыва, якое здабываецца пераважна з нафты.

|| прым. парафі́навы, -ая, -ае.

парламентары́зм, -у, м.

Сістэма дзяржаўнай улады на чале з парламентам.

|| прым. парламента́рны, -ая, -ае.

партаба́к, -а́, мн. -і́, -о́ў, м.

Кішэнная каробка для папярос.

|| прым. партаба́чны, -ая, -ае.

партсіга́р, -а, мн. -ы, -аў, м.

Тое, што і партабак.

|| прым. партсіга́рны, -ая, -ае.

пасквіля́нт, -а, М -нце, мн. -ы, -аў, м.

Аўтар пасквіля.

|| прым. пасквіля́нцкі, -ая, -ае.

пасле́д, -у, ДМ -дзе, м.

Абалонка плода ў цяжарных.

|| прым. пасле́давы, -ая, -ае.

па́стыр, -а, мн. -ы, -аў, м.

Святар як кіраўнік паствы.

|| прым. па́стырскі, -ая, -ае.

паўста́нец, -нца, мн. -нцы, -нцаў, м.

Удзельнік паўстання.

|| прым. паўста́нцкі, -ая, -ае.

П. атрад.

паштма́йстар, -тра, мн. -тры, -траў, м. (уст.).

Кіраўнік паштовай канторы.

|| прым. паштма́йстарскі, -ая, -ае.