Verbum

ПРЭСТЫ́Ж (ад франц. prestige першапач. — абаянне, зачараванне),

аўтарытэт. уплыў, перавага, якімі карыстаецца хто-н. або што-н.

т. 13, с. 96

«АР НУВО́»

(франц. art nóuveau літар. новае мастацтва),

пашыраная ў некаторых еўрап. краінах і ЗША назва стылю мадэрн.

т. 1, с. 501

АВЕНЮ́ (франц. avenue),

шырокая вуліца, звычайна абсаджаная дрэвамі. Назва прынята ў Францыі, Вялікабрытаніі, ЗША і некаторых інш. краінах.

т. 1, с. 61

ГАРНІ́Р (ад франц. garnir забяспечваць, упрыгожваць),

агародніна, макароны, кашы і падобнае, што дабаўляюць да рыбных і мясных страў.

т. 5, с. 67

ДЫФЕРЭНЦЫЯ́ЦЫЯ (франц. différentiation ад лац. differentia розніца, адрозненне),

раздзяленне, расчляненне, расслаенне цэлага на розныя часткі, формы і ступені.

т. 6, с. 301

ДЭЗ... (франц. dés... ад..., раз...), прыстаўка, якая абазначае знішчэнне, выдаленне, спыненне або адсутнасць чаго-н., напр., дэзінфекцыя, дэзінфармацыя.

т. 6, с. 325

ІНТЭНСІФІКА́ЦЫЯ (франц. intensification ад лац. intensio напружанне, узмацненне + facio раблю),

узмацненне, павелічэнне напружанасці, прадукцыйнасці, дзейнасці (напр., інтэнсіфікацыя вытворчасці).

т. 7, с. 283

КУЛО́Н (франц. coulant),

жаночае ўпрыгожанне з каштоўных камянёў, металаў або інш. матэрыялу, якое носіцца на ланцужку на шыі.

т. 9, с. 8

МІЛЬЁН (франц. million),

тысяча тысяч, лік, які ў дзесятковым запісе мае выгляд адзінкі з 6 нулямі (лік 10⁶).

т. 10, с. 374

ПАРЦЬЕ́ (франц. portier ад porte дзверы),

служачы ў гасцініцы, адказны за захоўванне ключоў, прыём карэспандэнцыі і да т.п.

т. 12, с. 148